Ayala spilaði með Messi í argentíska landsliðinu þegar Messi var yngri. „Þegar ég byrjaði að spila með honum þá talaði hann nánast ekkert."

Messi er einn besti fótboltamaður allra tíma. Hann er í 32 ára og fyrirliði bæði Barcelona og Argentínu.

„Í dag er hann leiðtogi bæði innan sem utan vallar. Hann hefur vaxið mjög mikið á síðustu árum."

„Áður fyrr þá fór hann út að æfa því hann þurfti að gera það. Ef ekki þá hefði hann bara verið inn í herberginu sínu. Í dag tekur hann þátt í öllu: hann talar við liðsfélaga sína, hann spyr hvernig þeim líður. Jafnvel fyrir leiki þá talar hann mikið," segir Ayala.