Kelechi Iheanacho hefur verið magnaður með Leicester í ensku úrvalsdeildinni eftir áramót.
Hann var á skotskónum í kvöld þegar Leicester vann sannfærandi sigur á West Brom.
Hann er núna búinn að skora 11 mörk í síðustu átta leikjum með Leicester í öllum keppnum. Iheanacho, sem er 24 ára, hefur gert níu mörk í úrvalsdeildinni á tímabilinu en það er hans besta tímabil á ferlinum hvað varðar markaskorun, og tímabilið er ekki einu sinni búið.
Iheanacho var keyptur til Leicester frá Manchester City árið 2017 en á þessu tímabili hefur hann fengið traustið og loksins fundið taktinn.
„Allt sem hann snertir breytist í mörk," segir Squawka á Twitter og það er erfitt að vera ósammála því.
Kelechi Ịheanachọ has now scored 11 goals in his last eight games in all competitions for Leicester.
— Squawka Football (@Squawka) April 22, 2021
Everything he touches turns to goals. ⚽️ pic.twitter.com/ulUmSPO82Y
Athugasemdir