Joan Laporta, forseti Barcelona, styður enn við Ofurdeildina þrátt fyrir að almenningsálitið sé gegn henni.
Laporta hefur áfram mikla trú á Ofurdeildinni, ásamt Florentino Perez forseta Real Madrid og Andrea Agnelli forseta Juventus. Níu af tólf stofnfélögum deildarinnar eru búin að draga stuðning sinn til baka, þar af eru sex í ensku úrvalsdeildinni, tvö á Ítalíu og eitt á Spáni.
„Ofurdeildin er nauðsynleg. Við viljum halda deildarkeppnum áfram í öllum löndum og erum opnir fyrir viðræðum við UEFA. Við viljum búa til frábæra keppni með mikið skemmtanagildi," sagði Laporta fyrir skömmu.
„Það er mikil pressa á okkur en þessi tillaga er ekki dauð."
Athugasemdir