Laporta er einn þeirra sem vill hrinda evrópskri Ofurdeild í gang. Honum tókst, ásamt Florentino Perez forseta Real Madrid og Andrea Agnelli forseta Juventus, að sannfæra eigendur tólf stórra knattspyrnufélaga í Evrópu um að stofna Ofurdeild.

Það hefur lengi verið uppi orðrómur um Ofurdeild en á dögunum var áformum um deildina lekið og því neyddust félögin tólf til að senda frá sér yfirlýsingar.

Panja heldur því fram að Laporta hafi lekið áformunum um Ofurdeildina í Javier Tebas, forseta spænsku deildarinnar La Liga, yfir hádegisverði. Tebas er sagður hafa farið með þessar upplýsingar beint til Aleksander Ceferin forseta UEFA.

Laporta er einn þriggja forseta sem styður enn opinberlega við Ofurdeildina, ásamt Perez og Agnelli.