Englendingurinn Chris Hughton var rekinn frá Brighton eftir tímabilið, hann hafði þá stýrt liðinu frá því í lok árs 2014 með ágætum árangri.
Hughton stýrði Brighton upp í úrvalsdeildina vorið 2017, liðið lauk því sínu öðru tímabili í röð í úrvalsdeildinni núna í vor. Hughton náði naumlega að halda liðinu uppi og var rekinn daginn eftir síðasta leik tímabilsins.
„Þessi tíðindi voru mikil vonbrigði og komu mér mjög á óvart," sagði Hughton um brottreksturinn frá Brighton.
„Ég naut þess að stýra þessu frábæra félagi í fjögur og hálft ár. Ég vil þakka þjálfarateyminu, leikmönnum, stuðningsmönnum og öllum öðrum hjá Brighton fyrir þennan tíma og óska þeim alls hins besta í framtíðinni," sagði Hughton.
Athugasemdir