Sóknarmaðurinn Daniel Jebbison hefur skrifað undir samning við Sheffield United, sinn fyrsta atvinnumannasamning við félagið.
Jebbison er aðeins 17 ára en hann skoraði sitt fyrsta mark í ensku úrvalsdeildinni á dögunum þegar Sheffield United vann óvæntan útisigur á Everton.
Hann hefur vakið áhuga hjá stærstu félögum Evrópu, félögum eins og Manchester United, Bayern München og Borussia Dortmund. Arsenal, Tottenham og Chelsea í þeirri umræðu.
Þrátt fyrir áhuga annars staðar frá, þá ætlar hann að vera áfram hjá Sheffield United og þróa leik sinn þar.
Sheffield United spilar í Championship-deildinni á næstu leiktíð og þar gæti Jebbison fengið fullt af tækifærum.
Athugasemdir