Zinedine Zidane ætlar ekki að taka ákvörðun um eigin framtíð strax heldur mun gera það á næstu dögum.
Zidane og hans menn enduðu í öðru sæti spænsku deildarinnar á tímabilinu á eftir Atletico Madrid.
Tímabil Real í heild sinni var afar svekkjandi en liðið vann engan titil í fyrsta sinn frá árinu 2010.
Talið er að Frakkinn muni kveðja Real í sumar en hann vildi ekkert gefa út eftir leik við Villarreal í dag.
„Ég mun ekki taka ákvörðun um framtíðina strax," sagði Zidane eftir 2-1 sigurinn.
„Ég mun ræða við félagið á næstu dögum og svo sjáum við til."
Athugasemdir
