Carrasco yfirgaf Atletico Madrid og gekk í raðir Dalian Yifang en hefur ekki fundið sig í Kína. Hann mætti of seint til baka úr landsliðsverkefni og er kominn í frystikistuna. Honum hefur verið bannað að æfa með Dalian Yifang.

Í yfirlýsingu frá félaginu er sagt að mikil áhersla sé lögð á aga og að enginn einstaklingur sé framar liðinu.

Yu Ziqian, kínverskur liðsfélagi Carrasco, gagnrýndi hann á samfélagsmiðlum. Carrasco er ósáttur og segir að málið verði að leysa.

„Viðhorf sumra leiðtoga félagsins og liðsfélaga gagnvart mér er óskiljanlegt miðað við þá skuldbindingu og þá frammistöðu sem ég hef gefið af mér," skrifaði Carrasco á Twitter. „Liðið þarf á mér að halda og ég vil hjálpa liðinu. Það þarf að leysa þetta vandamál."

Hinn 25 ára gamli Carrasco er samningsbundinn í Kína til 2022, en hann hefur verið orðaður við Arsenal að undanförnu.

The attitude of some club's leaders and teammates towards me is incomprehensible to me given my commitment and performance with the team so far. The team needs me and I want to help the team. This problem need to be solved.

— Yannick Carrasco (@CarrascoY21) June 21, 2019