lau 22. júní 2019 12:00
Guðmundur Aðalsteinn Ásgeirsson
Hummels hafnaði United - Vill ekki spila í Evrópudeildinni
Mynd: Getty Images
Varnarmaðurinn Mats Hummels hefur gengið í raður Borussia Dortmund á nýjan leik eftir þriggja ára veru hjá Bayern München.

Hummels hefur verið í lykilhlutverki hjá Bayern síðustu tímabil en miklar endurnýjungar eru hjá liðinu. Hinn þrítugi Þjóðverji er uppalinn í Munchen en gengur nú á nýjan leik til Dortmund þar sem hann lék með liðinu tímabilin 2008 - 2016 við góðan orðstír.

Samkvæmt þýska dagblaðinu Bild þá var Hummels með annan möguleika á borðinu - Manchester United.

Bild segir að United hafi boðið honum meiri pening, en Hummels hafi valið að fara í Dortmund út af Meistaradeildinni. Dortmund leikur í Meistaradeildinni á næstu leiktíð á meðan United verður í Evrópudeildinni.
Athugasemdir
banner
banner
banner
banner
banner