Heimild: Football Italia
Maurizio Sarri, stjóri Juventus, flaug til Côte d'Azur og heimsótti Cristiano Ronaldo, sem er þar í fríi.
La Stampa, Corriere della Sera, Gazzetta dello Sport og fleiri fjölmiðlar á Ítalíu segja frá því að Sarri hafi farið ásamt Fabio Paratici, stjóra íþróttamála hjá Juventus, og fundað með Ronaldo um hlutverk hans í liðinu á komandi tímabili.
Hinn 34 ára gamli Ronaldo er stjarnan í liði Juventus, en talið er að Sarri vilji spila honum í fremstu víglínu sem og mögulega sem 'falskri níu'. Þetta hefur orðið til þess að sumir ítalskir fjölmiðlar eru byrjaðir að kalla Ronaldo CR9 frekar en CR7 eins og venjulega.
Sarri hefur notað þetta hlutverk með Napoli og Chelsea. Dries Mertens lék þetta hlutverk hjá Napoli og Eden Hazard hjá Chelsea.
Ronaldo skoraði 28 mörk í 43 leikjum á sínu fyrsta tímabili með Juventus.
Sjá einnig:
De Ligt velur Ítalíumeistara Juventus
Athugasemdir
