Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 22. júní 2019 10:00
Guðmundur Aðalsteinn Ásgeirsson
U15 landslið kvenna heldur til Víetnam
Mynd: Magnús Örn Helgason
U15 landslið kvenna mun seinna í sumar taka þátt á móti sem fram fer í Hanoi, höfuðborg Víetnam. Mótið fer fram dagana 30. ágúst til 6. september.

Þetta er samstarfsverkefni á vegum UEFA og FIFA sem miðar að því að fjölga tækifærum ungra og efnilegra stúlkna til að leika knattspyrnu á alþjóðlegum vettvangi og vinna þannig að því að auka enn gæði í knattspyrnu kvenna á heimsvísu.

„Verkefni fyrir þennan aldurshóp hefur tilfinnanlega vantað og fagnar KSÍ því þessu framtaki UEFA og FIFA," segir á vefsíðu KSÍ.

Ísland mun mæta gestgjöfunum, Víetnam, auk þess að leika gegn Japan og Mjanmar.

Þjálfari íslenska liðsins er Lúðvík Gunnarsson, og honum til aðstoðar verður Jörundur Áki Sveinsson.

Þeir Lúðvík og Jörundur munu á næstu vikum velja íslenska hópinn, sem verður skipaður leikmönnum fæddum 2004.
Athugasemdir
banner
banner
banner
banner