Matteo Guendouzi, miðjumaður Arsenal, fær ekki leikbann eftir að hafa tekið Neal Maupay, framherja Brighton, hálstaki undir lokin í leik liðanna um helgina.
Maupay tryggði Brighton sigur í viðbótartíma en talsverður hiti var í leiknum.
Martin Atkinson, dómari leiksins, sá ekki atvikið en búist var við því að Guendouzi yrði dæmdur í bann af myndbandsupptöku.
Í ljós hefur komið að atvikið var skoðað í VAR í leiknum sjálfum og því getur enska sambandið ekkert gert í málinu núna.
Frakkinn sleppur því með skrekkinn og nær að spila næsta leik með Arsenal.
Athugasemdir