Lestu um leikinn: Valur 4 -  1 Víkingur R.

„Við áttum bara ekki breik í dag frá fyrstu mínútu til þeirrar síðustu,“ voru fyrstu viðbrögð Halldórs Smára Sigurðssonar varnarmanns Víkings eftir leik.

Víkingar neyddust til að gera tvær breytingar vegna meiðsla á fyrsta korteri leiksins og var það auðséð að það riðlaði skipulagi liðsins enda gengu Valsmenn á lagið og skoruðu tvö góð mörk

„Já það bætir nú ekkert úr skák að missa þessa tvo út af en svo erum við búnir að spila marga leiki á undanförnum dögum og eins og sást í seinni hálfleik voru Valsarar bara sáttir og við bara búnir á því.“

Halldór Smári er mikill áhugamaður um skó eins og lesendur Fótbolta.net hafa fengið að kynnast. Lá fréttaritara forvitni á hvort að fjölgað hefði í skóskáp Halldórs að undanförnu.

„Það er alltaf eitthvað, Maður slær aldrei hendinni á móti góðu pari af skóm ef það kemur upp.“

Nánar er rætt við Halldór í spilaranum hér að ofan.