Elías Már var í byrjunarliði Gautaborgar í dag.
Þrír leikir fóru fram í úrvalsdeildinni í Svíþjóð þar sem Íslendingar voru á ferðinni í tveimur viðureignum.
Haukur Heiðar sat allan tímann á varamannabekk AIK þegar liðið burstaði Brommapojkarna með fimm mörkum gegn einu. AIK menn mættu ekki alveg til leiks og fengu á sig fyrsta mark leiksins. AIK jafnaði metin í fyrri hálfleik, reimaði á sig markaskóna í hálfleik og raðaði inn mörkum í þeim síðari.
Elías Már Ómarsson var í byrjunarliði Gautaborgar sem tapaði fyrir Sirius á útivelli með þremur mörkum gegn tveim. Elías spilaði fyrstu 77 mínútur leiksins en var kippt af velli eftir að Sirius hafði komist yfir í fyrsta skipti í leiknum. Að lokum sigraði Djurgården lið Häcken með tveimur mörkum gegn einu.
AIK er á toppi deildarinnar með 33 stig eftir 15. umferðir. Hammarby og Norrköping eru með 27 stig í 2. og 3. sæti en eiga tvo leiki til góða. Gautaborg er hinsvegar óþægilega nálægt fallsvæðinu, með 16 stig, fimm stigum frá fallsæti.
Sjá einnig:
Elías Már spáir í leiki 13. umferðar í Pepsi-deildinni
Athugasemdir
