„Mér fannst við eiga fínan leik, við vorum þolinmóðir í fyrri hálfleik því við vitum að Magni spilar alltaf vel þegar þeir mæta okkur. Við vorum aðeins rólegri eftir að Jónas skoraði fyrsta markið," sagði Alvaro Montejo, einn af markaskorurum Þórs, eftir sigur gegn Magna.
Lestu um leikinn: Þór 3 - 0 Magni
„Í síðustu tveimur leikjum hefur okkar tilfinning verið að við hefðum átt að fá fleiri stig og því höfðum við trú á að með slíkri frammistöðu og þolinmæði myndum við ná úrslitum eins og við svo gerðum."
Alvaro var næst spurður út í eigin frammistöðu í kvöld og var hann ekki nægilega sáttur með sjálfan sig þrátt fyrir mark og stoðsendingu. Viðtalið í heild sinni má sjá hér að ofan.
Hann var næst spurður út í stoðsendinguna sína á Izaro í þriðja marki Þórs. Hvernig var að sjá vin sinn komast á blað?
„Þetta er góð tilfinning. Hann hefur verið í smá brekku í upphafi tímabilsins en við vissum allir að hann væri mjög góður leikmaður. Hann þurfti á þessu marki að halda og við vorum allir mjög ánægðir fyrir hans hönd. Ég tel að það munu mörg mörk fylgja í kjölfarið."
Alvaro hefur skorað fimm mörk í leikjunum sjö. Stefnir hann á gullskóinn?
„Nei, ég held ekki. Ég vil alltaf bæta við mitt hæsta [16 mörk 2016] en ég vil bara vinna, vinna alla leiki það er mitt markmið."
Alvaro var að lokum spurður út í stuðningsmenn Þórsara sem studdu vel við bakið á sínum mönnum í kvöld. Hefur það mikil áhrif á leikmennina inn á vellinum að heyra í stuðningnum?
„Auðvitað. Þeir eru stór hluti af félaginu. Þetta er félag með stórt hjarta og fólkið sem styður Þór elskar félagið. Við erum mjög þakkláttir þegar þeir mæta og styðja við okkur. Takk frá mér til ykkar." sagði Alvaro að lokum.
Athugasemdir