Laurent Blanc, fyrrum þjálfari Paris Saint-Germain og franska landsliðsins, er orðaður við stjórastólinn hjá Barcelona í Diario Sport.
Þessi fyrrum miðvörður er sagður vera í miklum metum hjá æðstu mönnum Börsunga en staða Quique Setien er sögð mjög óörugg.
Þessi fyrrum miðvörður er sagður vera í miklum metum hjá æðstu mönnum Börsunga en staða Quique Setien er sögð mjög óörugg.
Spænskir fjölmiðlar sögðu í gær að Setien myndi stýra Barcelona í Meistaradeildarleikjunum í ágúst en ekki er vitað hvað verður um hann eftir þá leiki.
Börsungar gerðu 1-1 jafntefli gegn Napoli í fyrri viðureign liðanna í 16-liða úrslitum Meistaradeildarinnar en liðið á eftir að spila heimaleikinn.
Blanc spilaði fyrir Barcelona tímabilið 1996-97 en hann hefur á stjóraferlinum unnið fjóra franska meistaratitila, einn með Bordeaux og þrjá með PSG.
Athugasemdir