Chelsea er tilbúið að bjóða enska markverðinum Dean Henderson (23) 170 þúsund pund í vikulaun til að lokka hann frá Manchester United. Henderson er á láni hjá Sheffield United. (Manchester Evening News)

Henderson mun reyna að komast í burtu á láni nema United fullvissi hann um að hann fái að keppa af sanngirni um markvarðarstöðuna við aðalmarkvörðinn David de Gea (29). (Times)

Chelsea mun einnig reyna að fá Marc-Andre ter Stegen (28), markvörð Barcelona, og er tilbúið að bjóða Kepa Arrizabalaga (25) á móti. (Mundo Deportivo)

Einnig er Alphonse Areola (27), markvörður PSG, sagður á blaði hjá Chelsea. Areola er á láni hjá Real Madrid en sagt er að hann hafi keypt sér íbúð í London. (The Sun)

Chelsea mun gera formlegt tilboð í Kai Havertz (21), leikmann Bayer Leverkusen og þýska landsliðsins, þegar liðið hefur tryggt sér Meistaradeildarsæti. (ESPN)

Manchester City virðist vera að vinna baráttuna um spænska vængmanninn Ferran Torres (20) hjá Valencia. Borussia Dortmund hefur einnig áhuga. (Bild)

Manchester United og Chelsea hafa blandað sér í baráttu við Manchester City um hollenska varnarmanninn Nathan Ake (25) hjá Bournemouth. (Sun)

Mikel Arteta, stjóri Arsenal, segist búast við því að Pierre-Emerick Aubameyang (31) geri nýjan samning við félagið. (Independent)

Andrea Radrizzani, eigandi Leeds, sagði 'bíðum og sjáum' þegar hann var spurður að því hvort úrúgvæski framherjinn Edinson Cavani (33) gæti komið til félagsins. Cavani yfirgaf Paris St-Germain í sumar þegar samningur hans rann út. (Sky Sports)

Tottenham undirbýr tilboð í sóknarmiðjumanninn Nicolo Zaniolo (21) hjá Roma. Hann er metinn á um 50 milljónir punda og hefur skorað þrettán mörk í 64 leikjum fyrir Rómverja. (Daily Express)

David Moyes, stjóri West Ham, segir að Declan Rice (21) muni ekki fá að fara nema tilboð berist sem ekki sé hægt að hafna. (Sky Sports)

Liverpool ætlar að kaupa Thiago Alcantara (29) frá Bayern München í sumar. (Marca)

Valentino Lazaro (24) er ekki viss um hvort hann vilji ganga alfarið í raðir Newcastle þar sem hann er ekki sáttur við spiltímann hjá félaginu. Austurríski vængmaðurinn er hjá Newcastle á láni frá Inter. (Chronicle)

West Ham verður skyldugt til að kaupa tékkneska miðjumanninn Tomas Soucek (25) frá Slavia Prag á 18,9 milljónir punda þegar liðið er búið að innsigla áframhaldandi veru sína í ensku úrvalsdeildinni. Soucek er hjá West Ham á lánssamningi. (Telegraph)

Tansaníumaðurinn Mbwana Samatta (27) gæti farið til Fenerbahce en sóknarmaðurinn hefur ekki staðið undir væntingum síðan hann kom til Aston Vilal í janúar. (Takvim)

Cameron Borthwick-Jackson (23), fyrrum varnarmaður Manchester United, hefur samþykkt samning frá Oldham. (Mail)