Igor Bjarni Kostic.
„Mig vantaði miklu meira frumkvæði frá strákunum og við erum mjög ósáttir með framkvæmdina en að sjálfsögðu mjög sáttir við 3 stig," sagði Igor Bjarni Kostic, þjálfari Hauka, eftir 3-1 sigur á ÍR fyrr í kvöld.
Haukar lentu undir í leiknum en jöfnuðu svo með marki frá Tómasi Leó Ásgeirssyni áður en Jónatan Hróbjartsson, leikmaður ÍR, fékk að líta rauða spjaldið. Manni fleirri tókst Haukum að klára leikinn með mörkum Frá Þórði Jóni Jóhannessyni og Kristófer Dan Þórðarsyni. Igor hefði viljað sjá lið sitt taka leikinn yfir mun fyrr.
Haukar lentu undir í leiknum en jöfnuðu svo með marki frá Tómasi Leó Ásgeirssyni áður en Jónatan Hróbjartsson, leikmaður ÍR, fékk að líta rauða spjaldið. Manni fleirri tókst Haukum að klára leikinn með mörkum Frá Þórði Jóni Jóhannessyni og Kristófer Dan Þórðarsyni. Igor hefði viljað sjá lið sitt taka leikinn yfir mun fyrr.
„Ég hefði viljað sjá þá taka leikinn yfir strax á 1.mínútu, sem var í raun og veru markmiðið," sagði Igor og bætti við að hans lið hafi verið það sem hafi litið út fyrir að vera manni færri inni á vellinum.
Nú þegar um það bil þriðjungur er búinn af mótinu eru Haukar með 15 stig í 2.sæti deildarinnar. Igor er heilt yfir sáttur með tímabilið.
„Miðað við hvernig leikirnir sem við töpuðum spiluðust væri ég sáttari við að vera með aðeins fleiri stig en við erum allavega á réttri braut."
Nánari útfærslu af viðtalinu við Igor má finna í spilaranum hér að ofan.
Athugasemdir
