Ísak Bergmann Jóhannesson.
Arnór Sigurðsson.
Hinn 17 ára gamli Ísak Bergmann Jóhannesson spilaði að venju allan leikinn fyrir Norrköping er liðið vann 2-0 sigur gegn Varberg í sænsku úrvalsdeildinni.
Ísak er þrátt fyrir ungan aldur búinn að festa sig í sessi í byrjunarliði Norrköping sem er á toppi sænsku úrvalsdeildarinnar með sex stiga forystu á Häcken sem er í öðru sæti.
Ísak er þrátt fyrir ungan aldur búinn að festa sig í sessi í byrjunarliði Norrköping sem er á toppi sænsku úrvalsdeildarinnar með sex stiga forystu á Häcken sem er í öðru sæti.
Häcken vann einmitt 4-0 sigur gegn AIK. Óskar Sverrisson var ekki í hóp hjá Häcken og Kolbeinn Sigþórsson var ekki í hóp hjá AIK. Kolbeinn er því miður að glíma við meiðsli. AIK er í ellefta sæti deildarinnar.
Danmörk:
Mikael Neville Anderson var eini Íslendingurinn sem kom við sögu í dönsku úrvalsdeildinni. Hann kom inn á sem varamaður á 64. mínútu í 1-1 jafntefli gegn Bröndby. Hjörtur Hermannsson var ónotaður varamaður.
Midtjylland er búið að tryggja sér danska meistaratitilinn á meðan Bröndby er í fjórða sæti.
Jón Dagur Þorsteinsson var ekki í hóp hjá AGF sem gerði 1-1 jafntefli við Nordsjælland. AGF er í öðru sæti og er Jón Dagur búinn að vera í lykilhlutverki á tímabilinu.
Rússland:
CSKA Moskva vann 2-0 sigur á Tambov í lokaumferð rússnesku úrvalsdeildarinnar. Arnór Sigurðsson og Hörður Björgvin Magnússon voru ekki með CSKA þar sem þeir eru í sóttkví vegna gruns um að þeir séu með kórónuveiruna. Vísir segir frá.
CSKA hafnar í fjórða sæti deildarinnar og fer í Evrópudeildina á næstu leiktíð.
Jón Guðni Fjóluson var allan tímann á bekknum hjá Krasnodar sem tryggði sér þriðja sæti deildarinnar með 4-0 sigri gegn Akhmat Grozny. Krasnodar tekur þátt í forkeppni Meistaradeildarinnar á næsta tímabili.
Athugasemdir
