„Þetta var skrítinn leikur fyrir okkur. Boltinn var alltof mikið bara fram og til baka. Við hefðum þurft að vera rólegri á boltanum. Við vorum ekki að spila okkar leik,“ sagði Natasha Anasi, fyrirliði Keflavíkur eftir 1-1 jafntefli við Aftureldingu fyrr í kvöld.
Lestu um leikinn: Afturelding 1 - 1 Keflavík
„Ég gef Aftureldingu það að þær stigu upp eftir að þær fengu á sig markið og settu meiri pressu á okkur. Við vorum bara ekki tilbúnar í það. Það var mikil barátta í þeim og þær vildu vinna þetta eins og við.“
Keflavíkurliðið hefur talað um að það ætli að vinna deildina og fara strax aftur upp í efstu deild. Natasha viðurkennir að liðið þurfti að bæta sig til að ná því markmiði.
„Við vitum að við þurfum að gera betur. Við skoðum þennan leik og komum betri í þann næsta.“
Nánar er rætt við Natöshu í spilaranum hér að ofan.
Athugasemdir