West Ham hefur verið í viðræðum við Sassuolo um Scamacca síðustu vikur en franska félagið Paris Saint-Germain var lengi vel í baráttunni um leikmanninn.

PSG ákvað að hætta við kaupin á Scamacca og fékk liðið Hugo Ekitike í staðinn á láni frá Reims og það West Ham til mikillar ánægju en félagið hefur nú náð samkomulagi við Sassuolo um kaup á Scamacca.

West Ham greiðir samtals 35,5 milljónir punda fyrir framherjann sem mun nú ræða við enska félagið um kaup og kjör áður en hann skrifar undir langtímasamning. Sassuolo fær 10 prósent af næstu sölu leikmannsins.

Scamacca skoraði 16 mörk í Seríu A á síðustu leiktíð og þá 7 landsleiki fyrir A-landslið Ítalíu.