Selfyssingar urðu Mjólkurbikarmeistarar á laugardaginn eftir 2 - 1 sigur á KR í úrslitaleik á Laugardalsvelli.

Þær tóku svo á móti Val á heimavelli sínum á Selfossi í gær og þegar þær gengu inn á völlinn höfðu leikmenn Vals myndað heiðursvörð um þær og klöppuðu er þær gengu inn á völlinn.

Mynd af þessu má sjá með fréttinni en gjafmildi Vals lauk svo þegar leikurinn hófst því þær unnu 0 - 1 útisigur og þrjú mikilvæg stig í baráttunni um Íslandsmeistaratitilinn.