Luiz yfirgaf Arsenal eftir síðasta tímabil og svo virðist sem hann sé að snúa til heimalands síns eftir flottan feril í Evrópu.

Samkvæmt fjölmiðlamanninum Pedro Almeida, þá er Luiz að ganga í raðir Flamengo í Brasilíu. Það eina sem á eftir að nást samkomulag um er greiðsla við umboðsmann leikmannsins.

Luiz er 34 ára gamall og var hann á mála hjá Arsenal frá 2019 til 2021. Þar áður spilaði miðvörðurinn með Chelsea, Paris Saint-Germain og Benfica.

Hann á þá að baki 57 A-landsleiki fyrir Brasilíu. Í þeim hefur hann skorað þrjú mörk.