Það er hálfleikur í Southampton þar sem heimamenn eru 1-0 yfir gegn Manchester United.
Southampton komst yfir þegar Che Adams átti skot að marki, sem hafði viðkomu í Fred, og endaði í markinu.
Portúgalinn Bruno Fernandes var aldeilis ekki sáttur með markið. Hann var brjálaður; hann lét aðstoðardómarann heyra það og svo las hann dómaranum, Craig Pawson, pistilinn.
Fernandes vildi fá brot í aðdraganda marksins en dómararnir voru því ekki sammála. Hægt er að sjá myndband af markinu hérna en þar sést þegar Bruno fellur í aðdraganda marksins.
Það var mikið talað um þetta atvik á samfélagsmiðlum og margir United-stuðningsmenn að kalla eftir broti.
Gary Martin, sóknarmaður Selfoss, var á meðal þeirra sem blandaði sér í umræðuna.
„Þú verður að vera sterkari Bruno. Þetta er England, ekki Portúgal," skrifaði Gary.
Hvað finnst þér?
Got to be stronger bruno this is England not Portugal 🙈
— Gary martin (@feedthebov) August 22, 2021
Athugasemdir