Ögmundur Kristinsson stóð í marki Larissa þegar liðið tapaði fyrir Atromitos á útivelli í grísku úrvalsdeildinni.
Ögmundur samdi við Larissa í byrjun ágúst en hann kom til liðsins frá Excelsior í Hollandi.
Ögmundur var að spila sinn fjórða leik fyrir Larissa í dag en hann fór ekki að óskum, hann tapaðist 2-0. Atromitos komst yfir á 54. mínútu og bætti við marki þegar fimm mínútur voru eftir af venjulegum leiktíma.
Larissa missti mann af velli með rautt spjald á 70. mínútu og það hjálpaði svo sannarlega ekki til. Þetta var þriðja tap liðsins í röð.
Larissa er með þrjú stig eftir fyrstu fjóra leikina. Liðið er í tíunda sæti af 16 liðum.
Athugasemdir