ÍA gerði 1-1 jafntefli við Þrótt á heimavelli en á meðan tapaði HK á Ásvöllum í Hafnarfirði, gegn Haukum.

Haukar unnu óvæntan 2-0 sigur. Elton Renato Livramento Barros, betur þekktur sem Fufura, kom Haukum yfir undir lok fyrri hálfleiks og í seinni hálfleik bætti Birgir Magnús Birgisson við marki og þar við sat, sigur Hauka staðreynd.

Skagamenn fögnuðu þessum úrslitum því þeir vinna deildina en það var ljóst fyrir umferðina að ÍA og HK fara upp í Pepsi-deildina. ÍA vinnur á markatölu.

Þróttur endar í fimmta sæti og Haukar í áttunda sæti.

ÍA 1 - 1 Þróttur R.
1-0 Garðar Bergmann Gunnlaugsson ('54 )
1-1 Jasper Van Der Heyden ('65 )
Lestu nánar um leikinn

Haukar 2 - 0 HK
1-0 Elton Renato Livramento Barros ('45 )
2-0 Birgir Magnús Birgisson ('71 )
Rautt spjald:Elton Renato Livramento Barros , Haukar ('85), Árni Arnarson, HK ('95)
Lestu nánar um leikinn