Liverpool hefur nú unnið alla sjö leiki sína á tímabilinu í öllum keppnum en liðið hefur unnið sex deildarleiki og einn leik í Meistaradeildinni gegn PSG.

Þetta er í fyrsta sinn sem liðinu tekst að gera þetta í 28 ár en Klopp hafði ekki mikinn áhuga á sögunni fyrir leikinn í dag.

„Ég hafði ekki mikinn áhuga á því að skoða söguna fyrir þennan leik en núna líst mér bara vel á þetta," sagði Klopp.

„Við reynum að halda áfram á sömu braut en leikplanið fyrir næstu vikur er ótrúlegt. Strákarnir eru í góðu ástandi og það hjálpar en sjáum til hvort við getum ekki haldið áfram á sömu braut," sagði Klopp í lokin.

Liverpool á erfiða leiki framundan en liðið mætir Chelsea í deildinini og í deildabikarnum. Þá spilar liðið gegn Napoli áður en það mætir Manchester City í deildinni.