Svekktur að Lárus Orri sé að hætta
„Það er alltaf skrýtið að fara í leiki sem skipta engu máli en það var gott enda þetta með stæl," sagði fyrirliði Þórs, Sveinn Elías Jónsson eftir sigur á Leikni í dag.
Bæði lið höfðu að litlu að keppa í dag en það voru Þórsarar sem unnu 3-1 sigur að lokum.
Bæði lið höfðu að litlu að keppa í dag en það voru Þórsarar sem unnu 3-1 sigur að lokum.
Lestu um leikinn: Þór 3 - 1 Leiknir R.
„Nei, ég er í raun ekki sáttur með niðurstöðu mótsins, en spilamennskan var heilt yfir góð og það var gott andrúmsloft í kringum félagið og liðið. Margt jákvætt engu að síður, " segir Sveinn aðspurður um markmið Þórs sem var að fara upp.
Hann á sjálfur von á því að halda áfram en veit ekki hvern hann vill sjá í þjálfarasætinu næsta sumar, þar sem Lárus Orri Sigurðsson ætlar ekki að halda áfram.
„Ég hefði nú viljað hafa Lárus Orra, vin minn, áfram bara en þetta er stórt verkefni fyrir nýja stjórn hjá okkur og ég treysti þeim til að standa sig vel."
Athugasemdir