mán 22. október 2018 17:00
Elvar Geir Magnússon
Leikmenn Chelsea fá að spila gegn Chelsea
Mason Mount.
Mason Mount.
Mynd: Getty Images
Chelsea hefur gefið Derby leyfi til að spila Fikayo Tomori og Mason Mount í deildabikarviðureign liðanna í næstu viku.

Þessir tveir ungu leikmenn eru hjá Derby á lánssamningi frá Chelsea.

Tomori er tvítugur varnarmaður en Mount er nítján ára miðjumaður sem var í landsliðshópnum enska í síðasta verkefni en kom þó ekki við sögu í leikjunum.

Stuðningsmenn Chelsea eru klofnir í afstöðu sinni til ákvörðunar Chelsea. Sumum hlakkar til að sjá strákana spila gegn sínu félagi á meðan aðrir vildu sjá lið Derby sem veikast.

Chelsea er í þriðja sæti ensku úrvalsdeildarinnar en Derby í fimmta sæti í Championship-deildinni.


Athugasemdir
banner
banner