Miðjumaðurinn meiddist eftir tæklingu frá Lucas Biglia í borgarslagnum í Mílanó í gær. Inter vann leikinn með marki frá Mauro Icardi á 90. mínútu.

Nainggolan hélt áfram að spila í tíu mínútur áður en hann bað um skiptingu. Borja Valero kom inn í hans stað.

„Nainggolan var hakkaður niður. Við þurfum að fara með hann á spítalann og sjá til. Hann verður ekki með okkur í einhvern tíma," sagði Spaletti, sem var þó ánægður með sigurinn.

„Það er augljóst að við áttum skilið að sigra. Við spiluðum allan leikinn á þeirra vallarhelmingi og vorum einfaldlega betri."

Nainggolan missir eflaust af næstu leikjum Inter sem eru afar mikilvægir útileikir. Sá fyrri er á miðvikudaginn, gegn Barcelona í Meistaradeildinni, og sá síðari er næsta mánudag, gegn Lazio.