Arnór Gauti hefur æft með U19 og U23 ára liðum SC Preußen Münster og æfði hann einnig hjá félaginu í fyrra.

Hinn 17 ára gamli Arnór Gauti spilaði 19 leiki með Aftureldingu í Inkasso-deildinni í sumar og skoraði eitt mark. Í fyrra spilaði Arnór Gauti fimm leiki þegar Afturelding vann 2. deildina.

Arnór Gauti á þrjá leiki að baki með U17 ára landsliði Íslands og í sumar lék hann sinn fyrsta leik með U18 ára landsliðinu.

Aðallið SC Preußen Münster er í þriðju efstu deild í Þýskalandi en U19 ára lið félagsins er í úrvalsdeild og mætir Borussia Dortmund í næsta leik um helgina. Arnór Gauti er þó ekki gjaldgengur þar sem hann er aðeins á reynslu hjá félaginu.