Þetta vilja knattspyrnusambönd landanna gera til að búa til sameinaða og sterkari deild, sem gæti barist við frönsku deildina um áhorf.

Eins og staðan er í dag er franska deildin talin sú fimmta sterkasta í Evrópu. Þar á eftir koma deildir á borð við þá hollensku, rússnesku og portúgölsku.

„Við værum að fara inn á markað með 28 milljón áhorfendum. Við höfum verið að ræða þessi áform og ganga samræðurnar vel. Hugmyndin er að 10 félög kæmu úr hollensku deildinni og 8 félög úr þeirri belgísku," sagði Verhaeghe.

Verhaeghe bætti við að hægt væri að hrinda þessu í framkvæmd eftir nokkur ár. Hann búist persónulega við að það taki ekki meira en fimm ár að setja hana á laggirnar.