Íslenska U19 ára landslið karla mætir Kasakstan í lokaleik fyrstu riðlakeppni í undankeppni fyrir EM á næsta ári.
Ísland lagði Skotland að velli í fyrstu umferð og tapaði svo fyrir ógnarsterku liði Frakka. Nú er komið að þriðja og síðasta leik riðlakeppninnar, gegn botnliði Kasakstan.
Staðan í riðlinum er spennandi og gæti orðið afar flókin ef Skotlandi tekst að sigra óvænt gegn Frakklandi. Takist Skotum ekki að sigra Frakka þá nægir Íslandi jafntefli í lokaleiknum gegn Kasökum.
Kasakstan er án stiga eftir tvær umferðir og með markatöluna 2-12. Ísland er með þrjú stig og markatöluna 1-2 en innbyrðisviðureignir telja framyfir markatölu og þess vegna var sigurinn gegn Skotum gífurlega mikilvægur.
Leikur dagsins:
13:00 Kasakstan U19 - Ísland U19
Athugasemdir