Liverpool var útnefnt lið ársins á verðlaunahátíðinni "Sports Personality of they Year" sem BBC hélt á sunnudagskvöld. Jordan Henderson, fyrirliði liðsins, tók við verðlaununum. Henderson var tilnefndur sem einstaklingur ársins en þau verðlaun hlaut Lewis Hamilton.
Jurgen Klopp, stjóri liðsins, las upp bréf frá sér til Henderson við tilefnið, Klopp var tilnefndur sem þjálfari ársins. Liverpool varð Englandsmeistari í sumar eftir þrjátíu ára bið.
Jurgen Klopp, stjóri liðsins, las upp bréf frá sér til Henderson við tilefnið, Klopp var tilnefndur sem þjálfari ársins. Liverpool varð Englandsmeistari í sumar eftir þrjátíu ára bið.
„Halló vinur, halló fyrirliði,“ byrjaði Klopp.
„Þegar við urðum Englandsmeistarar í haust skrifaðir þú persónulegt bréf til allra leikmanna liðsns og mín. Nú er komið að mér og ég skrifa því þetta bréf til þín."
„Það er sagt að við í Liverpool séum ekki með neina stórstjörnu heldur að liðið sé stórstjarnan okkar. Þetta er allt satt og rétt. Þú ert hins vegar stórstjarnan sem gerir okkur að því liði sem við erum."
„Jordan, fólk áttar sig oft ekki á því hversu góður þú ert en ég og liðsfélagar þínir gerum það svo sannarlega. Þú hefur gengið í gegnum ýmislegt hjá Liverpool en komist í gegnum allt með einstökum persónuleika."
„Þú leiddir félagið til sigurs í ensku úrvalsdeildinni. Þú gerðir það með einstöku hugarfari og auðmýkt. Þú ert íþróttamaður í heimsklassa en þú ert ennþá betri manneskja. Takk fyrir allt elsku vinur og vonandi verður árið 2021 ennþá betra."
„Með ást, Jürgen,“ las Klopp
Athugasemdir