Hinn 42 ára Arnar Þór Viðarsson var hækkaður upp í A-landsliðsþjálfara en þetta var opinberað í morgun. Arnar náði frábærum árangri með U21 landsliðið og stýrir nú íslenska landsliðinu í undankeppni HM sem fer af stað í mars á komandi ári.
Hér má fræðast nánar um feril Arnars í boltanum í gegnum myndir úr myndasafni Fótbolta.net.
Hér má fræðast nánar um feril Arnars í boltanum í gegnum myndir úr myndasafni Fótbolta.net.
Arnar Þór lék alls 52 landsleiki fyrir Ísland. Hér má sjá hann, Eið og Kára Árnason í vináttulandsleik gegn Suður-Afríku 2005 sem vannst 4-1.
Arnar yfirgaf uppeldisfélag sitt FH árið 1997 og samdi við Lokeren í Belgíu. Hann var hjá Lokeren til 2007.
Eiður Smári og Arnar Þór Viðarsson á landsliðsæfingu 2006. Þeir spiluðu marga landsleiki saman og voru herbergisfélagar í landsliðinu.
Arnar lék fjölmarga leiki í belgísku úrvalsdeildinni en hann fék til Cercle Brugge 2008 og lék með liðinu þar til skórnir fóru á hilluna 2014. Tímabilið 2012-2013 léku Arnar og Eiður saman hjá félaginu.
Arnar varð aðstoðarþjálfari hjá Cercle Brugge og tók síðan við liðinu. Hann var látinn fara í mars 2015.
Hann þjálfaði hjá Lokeren 2015-2019, lengst sem aðstoðarþjálfari. Meðal annars hjá Rúnari Kristinssyni. Árið 2018 stýrði hann Lokeren í einum leik sem bráðabirgðastjóri.
Í janúar 2019 var Arnar ráðinn þjálfari U21 landsliðsins, með Eið sér til aðstoðar. Nokkrum mánuðum seinna var Arnar svo ráðinn yfirmaður fótboltamála hjá KSÍ.
Undir stjórn Arnars komst íslenska U21 landsliðið í lokakeppni Evrópumótsins en hún verður haldin á næsta ári.
Athugasemdir