Aron Elí Sævarsson, Stefán Ingi Sigurðarson og Viktor Helgi Benediktsson voru ekki valdir í nýliðavali MLS-deildarinnar í nótt en það kom hins vegar annað nafn upp úr pottinum og er sá hálfur Íslendingur.
Eyþór Martin Vigerust Björgólfsson, 22 ára gamall framherji, var valinn af Seattle Sounders í 2. umferð nýliðavalsins en hann var 38. leikmaðurinn sem var valinn.
Þessi ágæti framherji skoraði 24 mörk yfir fjögur tímabil með Kentucky háskólanum. Þar náði hann mögnuðum árangri og á síðasta ári vann hann Conference USA-mótið og gerði sér lítið fyrir og skoraði sigurmarkið í uppbótartíma í úrslitaleiknum.
Í sumar spilaði hann með Vermont Green í USL League Two deildinni en þangað fara öflugir leikmenn úr háskólaboltanum til að ná sér í reynslu yfir sumartímann. Eyþór skoraði sex mörk og lagði upp eitt í tíu leikjum.
Eyþór er fæddur og uppalinn í Jessheim í Noregi en faðir hans er íslenskur.
Framherjinn er stór og stæðilegur en hann er um 193 sentímetrar á hæð.
Á síðasta ári spilaði hann með norska félaginu Nardo FK en hann lék þar með Óttari Húna Magnússyni, fyrrum leikmanni Leiknis. Þar áður lék hann með unglinga- og varaliði Ull/Kisa.
Það verður spennandi að fylgjast með þessum ágæta leikmanni en nú eru Íslendingarnir í MLS-deildinni fjórir talsins. Þorleifur Úlfarsson, Guðlaugur Victor Pálsson og Róbert Orri Þorkelsson spila allir í deildinni.
Hér fyrir neðan má sjá myndband þar sem fólk getur lært aðeins meira um þennan hálfa Íslending.
WILDCAT OF THE WEEK: Eythor Bjorgolfsson ????
— Michael Epps (@MichaelEppsTV) September 22, 2022
Good luck saying his name right the first time ???? check out the video to hear it, the guy’s killin it for Kentucky @UKMensSoccer! #BBN @eythormartin ??
Check out more Wildcats of the Week on TikTok: https://t.co/vvnDZ6XcWt pic.twitter.com/zuXLD0YBfC
Grateful???????????? https://t.co/6u4rEbpmWn
— Eythor Bjørgolfsson (@eythormartin) December 22, 2022
Athugasemdir