Santos er miðjumaður sem spilaði annað tímabil með aðalliði Vasco da Gama á þessu ári.

Hann var mikilvægur hlekkur í liðinu er það tryggði sæti sitt í efstu deild fyrir næsta tímabil.

Santos spilaði 33 leiki og skoraði 8 mörk á tímabilinu en hann er nú á leið til Chelsea.

Ítalski íþróttafréttamaðurinn segir að félögin hafi komist að samkomulagi um Santos og er verið að ganga frá síðustu atriðum samningsins. Vasco fær 70 prósent af kaupverðinu en hin 30 prósentin eru í eigu þriðja aðila.

Santos mun ganga í raðir Chelsea í janúar en þessi efnilegi miðjumaður á 8 leiki og 4 mörk fyrir yngri landslið Brasilíu og þykir með mest spennandi miðjumönnum Brasilíu um þessar mundir.