Aston Villa keypti framherja snemma í vikunni. Mbwana Samatta heitir sá og keypti Villa hann frá Belgíumeisturunum í Genk.
Samtta verður, þegar hann spilar sinn fyrsta leik fyrir Villa, fyrsti leikmaðurinn frá Tansaníu til að spila í úrvalsdeildinni.
„Ríkisstjórnin og allir Tansaníubúar eru hæstánægðir með hvert Samatta hefur náð á sínum knattspyrnuferli," sagði íþrótta- og menntamálaráðherra landsins, Harrison Mwakyembe.
Samatta, sem er 27 ára gamall, var keyptur til að leysa Brasilíumanninn Wesley af hólmi en Wesley meiddist illa fyrr í mánuðinum og verður frá út tímabilið.
Athugasemdir
