Eftir að lokaflautið gall þá æddi Pochettino upp að Mike Dean, dómara leiksins, og húðskammaði hann. Myndband af því er hér neðst í fréttinni.

Pochettino var ósáttur með hornspyrnuna sem Burnley fékk í fyrra marki sínu. Hann vildi meina að það hefði átt að vera markspyrna.

„Ég hef aldrei séð Pochettino og Jesus Perez (aðstoðarstjóra Tottenham) bregðast svona við eftir leik," skrifaði blaðamaðurinn Simon Peach á Twitter.

„Þetta var ekki eðlileg hegðun hjá mér. Kannski var þetta vegna þess að ég vissi fyrir leikinn og eftir leikinn að það yrði erfitt fyrir okkur að berjast um titilinn ef við myndum ekki fá þrjú stig í dag," sagði Pochettino.

Á Pochettino von á refsingu?

„Ég mun taka öllu því sem gerist. En ég vona að þetta fari ekkert lengra."

Mauricio Pochettino was NOT happy with Mike Dean at full time! 🤯 pic.twitter.com/w0r0FTRUiI

— Soccer AM (@SoccerAM) February 23, 2019