banner
   lau 23. mars 2019 19:45
Sæbjörn Þór Þórbergsson Steinke
Messi ekki með Argentínu gegn Morokkó
Mynd: Getty Images
Lionel Messi er meiddur á nára og er því kominn heim til Barcelona. Messi var í landsliðshópi Argentínu fyrir leiki liðsins gegn Venesúela og Morokkó.

Í gær spilaði Messi gegn Venesúela en nárameiðsli koma í veg fyrir að hann verði með gegn Morokkó á þriðjudaginn.

Messi hafði ekki gefið kost á sér í landslið Argentínu eftir HM en snéri til baka gegn Venesúela. Sú endurkoma fór ekki vel því Argentína tapaði leiknum 1-3.

Stuðningsmenn Barcelona vonast líklega eftir því að Messi verði orðinn heill heilsu fyrir leiki liðsins gegn Manchester United í Meistaradeildinni.
Athugasemdir
banner
banner
banner