Tyrkneski landsliðsmaðurinn Hakan Calhanoglu á sér draum um að spila fyrir Galatasaray í heimalandinu.
Calhanoglu er fæddur og uppalinn í Þýskalandi en hann spilaði fyrir Karlsruher, Hamburger SV og Bayer Leverkusen áður en Milan keypti hann fyrir fjórum árum.
Hann á tyrkneska foreldra og ákvað að spila fyrir Tyrkland en hann á sér þann draum að spila í tyrknesku deildinni einn daginn og þá fyrir Galatasaray.
Calhanoglu verður samningslaus í sumar og hefur hann ekki komist að samkomulagi við Milan um að framlengja. Galatasaray virðist vera í myndinni miðað við þau ummæli sem hann lét falla á dögunum.
„Ég vonast til að spila fyrir Galatasaray í framtíðinni. Af hverju ekki? Ég styð Galatasaray og er með húðflúr af ljóni á mér sem sannar það," sagði Calhanoglu.
Athugasemdir