Van Dijk hefur verið frá keppni síðan í október en hann meiddist þá í 2-2 jafntefli við Liverpool - Hollendingurinn sleit þá krossband í hné.

Van Dijk hefur verið á fínum batavegi síðustu vikur og vonast til að verða klár áður en flautað er til leiks á EM í sumar.

„Ég get skilið að Liverpool vilji ekki setja neina pressu á Virgil og við viljum ekki gera það heldur," sagði De Boer.

„Við vitum að hann á átta vikur eftir í endurhæfingu. Ég veit ekki hvort það sé nóg svo að hann nái EM. Ég hef rætt við hann, hann byrjar að æfa bráðlega en það getur ýmislegt gerst."

„Ef þetta dregst um viku eða tvær þá gæti það þýtt að hann spili ekki einn leik með Liverpool á tímabilinu."

„Ef hann nær að gera eitthvað fyrir Liverpool og mögulega okkur þá yrði það bónus. Ég er ekki að treysta á það að svo stöddu. Ef það myndi gerast væri það frábært fyrir landsliðið."