Sigurbjörn Hreiðarsson, aðstoðarþjálfari Vals, dró FH upp úr pottinum þegar drátturinn fyrir 32-liða úrslit Mjólkurbikarsins fór fram í dag.
Það verður því sannkallaður risaslagur strax í bikarnum.
Það var létt yfir Sigurbirni þegar Fótbolti.net ræddi við hann eftir dráttinn. Stærsti hluti viðtalsins fór þó í að ræða leikinn á föstudaginn þegar Valur mætir Víkingi Reykjavík í opnunarleiknum.
Það verður því sannkallaður risaslagur strax í bikarnum.
Það var létt yfir Sigurbirni þegar Fótbolti.net ræddi við hann eftir dráttinn. Stærsti hluti viðtalsins fór þó í að ræða leikinn á föstudaginn þegar Valur mætir Víkingi Reykjavík í opnunarleiknum.
„Ég hef horft á síðustu leiki Víkings og mér finnst þeir sprækir. Það eru margir góðir leikmenn í Víkingsliðinu. Arnar (Gunnlaugsson) er að gera fína hluti með þá. Þeir eru mun betri en fólk er að segja. Þetta er lið sem verður erfitt að mæta í fyrstu umferð," segir Sigurbjörn.
Sóknarleikurinn verður í lagi
Sóknarmiðjumaðurinn Kristinn Freyr Sigurðsson er á meiðslalistanum og óvíst hvenær hann snýr aftur. Þá var varnarmaðurinn Eiður Aron Sigurbjörnsson ekki með í Meistarakeppni KSÍ í síðustu viku.
„Eiður er nær þessu en Kiddi. Vonandi verður Eiður með, en við sjáum hvað setur. Birnir Snær (Ingason) hefur verið meiddur og hefur ekki verið með að fullu í nokkrar vikur. Aðrir eru klárir í bátana í fyrsta leik."
Sóknarleikurinn hjá Val hefur verið í umræðunni og ekki þótt sannfærandi í síðustu leikjum. Er það áhyggjuefni?
„Sóknarleikurinn tikkar inn þegar hann þarf að tikka inn. Það eru breytingar á sóknarlínunni og við erum að vinna í því að slípa hlutina saman. Við verðum í lagi."
Sjáðu viðtalið í heild í sjónvarpinu hér að ofan.
Pepsi Max-deildin:
föstudagur 26. apríl
20:00 Valur-Víkingur R. (Origo völlurinn)
laugardagur 27. apríl
14:00 Grindavík-Breiðablik (Grindavíkurvöllur)
14:00 ÍBV-Fylkir (Hásteinsvöllur)
16:00 FH-HK (Kaplakrikavöllur)
16:00 ÍA-KA (Norðurálsvöllurinn)
20:00 Stjarnan-KR (Samsung völlurinn)
Athugasemdir