Palace gæti misst Wilfried Zaha í sumar en hann hefur verið lykilmaður í liðinu síðustu ár og hefur skorað 9 mörk og lagt upp 8 í 33 leikjum á þessu tímabili.

Mörg stórlið eru að horfa til Zaha og gætu þurft að borga allt að 80 milljónir punda fyrir þjónustu hans en Palace er þegar farið að skoða leikmenn sem geta fyllt skarðið.

Grealish er þar efstur á lista en hann hefur verið magnaður með Villa í B-deildinni. Hann hefur skorað 5 mörk og lagt upp önnur 5 mörk í 28 leikjum og hefur reynst Villa mikilvægur.

Tottenham Hotspur var á eftir honum síðasta sumar en ekkert varð af skiptunum. Grealish er klár í að taka næsta skref og er nokkuð ljóst að hann yfirgefur Villa ef liðið tekst ekki að koma sér upp í efstu deild.