Gareth Bale, leikmaður Real Madrid, og eiginkona hans, Emma, hafa ákveðið að gefa sjúkrahúsi í Wales 500 þúsund pund, en það nemur rúmlega 90,5 milljónum íslenskra króna.
Það er talið að þau munu gefa sömu upphæð í evrum til spænska heilbrigðiskerfisins í baráttunni gegn kórónuveirunni.
Bale og Emma gáfu 500 þúsund pund á Háskólasjúkrahúsið í Wales, en á því sjúkrahúsi fæddist Bale.
„Ég vil þakka Gareth, Emmu og fjölskyldu þeirra fyrir þetta stórkostlega framlag," segir Len Richards, sem er framkvæmdastjóri í heilbrigðisnefnd sjúkrahússins.
Bale er þrítugur að aldri og hefur hann verið á mála hjá Real Madrid frá árinu 2013.
Athugasemdir