Carlo Ancelotti, stjóri Everton, var hreinskilinn þegar hann ræddi við fjölmiðlamenn eftir 1-0 sigur á Arsenal á útivelli í ensku úrvalsdeildinni í kvöld.
„Mér fannst þetta vera jafntefli. Arsenal stjórnaði boltanum í fyrri hálfleiknum, við vorum góðir varnarlega en við vorum ekki nægilega góðir á boltanum. Þetta var jafntefli," sagði Ancelotti.
Þetta endaði ekki í jafntefli, þetta var fyrsti sigur Everton gegn Arsenal á útivelli í 25 ár.
„Þetta eru mikilvæg úrslit því við erum enn í Evrópubaráttu. Við þurftum sigur."
„Við áttum skilið sigur gegn Tottenham, gegn Crystal Palace líka. Í dag fengum við stigin sem við töpuðum gegn Tottenham og Palace," sagði sá ítalski.
Everton er þremur stigum frá Meistaradeildarsæti og er enn með í þeirri baráttu.
Athugasemdir