Pep Guardiola, stjóri City.
Pep Guardiola er allt annað en sáttur við það leikjaálag sem lagt er á fremstu fótboltamenn heims. Stjóri Manchester City gagnrýnir áætlanir UEFA um breytingu á fyrirkomulagi Meistaradeildarinnar.
Frá og með 2024 verða tíu leikir á fyrsta stigi keppninnar í stað sex leikja í riðlakeppni eins og er núna. Þá er umspil fyrir 16-liða úrslitin svo lið gætu þurft að leika sex leikjum meira.
Frá og með 2024 verða tíu leikir á fyrsta stigi keppninnar í stað sex leikja í riðlakeppni eins og er núna. Þá er umspil fyrir 16-liða úrslitin svo lið gætu þurft að leika sex leikjum meira.
„Það er alltaf sama sagan," segir Guardiola. „Allir í fótboltanum kalla eftir meiri gæðum en UEFA bætir alltaf í magnið."
„Við ráðum ekki svo það þarf kannski að biðja UEFA og FIFA um að lengja árið. Kannski yrði það lausn að hafa 400 daga á árinu! Ég hreinlega veit það ekki."
Aðrir bikarar sem eru mikilvægari
Manchester City mætir Tottenham á laugardaginn í úrslitaleik enska deildabikarsins. City getur þar unnið keppnina fjórða árið í röð.
„Það er stutt í Meistaradeildina og úrvalsdeildin er ekki búin. Það eru mikilvægari keppnir og við höfum augu á þeim. Tottenham er að reyna að tryggja sér Evrópusæti og þeir þurfa titil. Þeir munu veita mikla mótspyrnu. En allir vilja vinna úrslitaleiki, við erum engin undantekning," segir Guardiola.
Athugasemdir
