Í leik með Grindavík 2013
Jónas og Roman Abramovich saman, eðlilega.
Þórir Hákonar með allt í teskeið
Grindvíkingurinn Jósef Kristinn Jósefsson ræddi við undirritaðan í vikunni. Hann lagði skóna á hilluna síðasta haust eftir fjögur tímabil með Stjörnunni. Á Íslandi lék Jósef lengstum með uppeldisfélaginu en eftir að Grindavík fór upp árið 2016 þá ákvað hann að söðla um og samdi í Garðabænum.
Snemma árs 2011 gekk hann í raðir búlgarska félagsins PSFC Chernomorets Burgas. Um fjórum mánuðum eftir að félagaskiptin voru tilkynnt var grein frá því að Jósef hefði verið svikinn og væri á heimleið. Hann var svo kominn með leikheimild um mitt sumar hjá Grindavík.
Snemma árs 2011 gekk hann í raðir búlgarska félagsins PSFC Chernomorets Burgas. Um fjórum mánuðum eftir að félagaskiptin voru tilkynnt var grein frá því að Jósef hefði verið svikinn og væri á heimleið. Hann var svo kominn með leikheimild um mitt sumar hjá Grindavík.
Fréttaritari spurði Jósef að þessu og eru svörin hér að neðan endurbirtur hluti úr viðtali sem fyrst var birt í gærkvöldi.
Ég velti fyrir mér hverjar þínar eftirvæntingar voru og hvað það var sem ekki var staðið við?
„Ég hef alltaf reynt að gleyma þessum tíma, hef ekki mikið talað um þetta. Þetta var bara þannig að ég fór þarna út og fékk ekki neitt borgað," sagði Jobbi.
„Ég held ég hafi verið þarna úti í tvo og hálfan mánuð og ákvað að ég nennti þessu ekki lengur og fór heim án þess að tala við neinn. Ég bara fór og svo fóru lögfræðingar í málið."
„Ég á KSÍ endalaust að þakka fyrir það bíó og Jónasi Þórhallssyni sem var formaður Grindavíkur. Jónas hjálpaði mér gríðarlega mikið sem og Þórir Hákonar, þeir náðu að keyra þetta í gegn.”
Spilaðiru einhverja leiki?
„Nei nei, ég var eiginlega bara meiddur þennan tíma. Ég kem heim og fer svo í aðgerð eftir tímabilið 2011. Ég var alltaf að reyna en það gekk lítið. Svo þegar þú færð ekki borgað þá minnkar hvatinn til þess að vera úti.”
Var þetta mikið vesen þetta mál? Þurftiru að bíða lengi eftir leikheimild á Íslandi?
„Þetta tók einhverja þrjá mánuði eftir að ég kem heim. Ég kom heim í mars held ég og var kominn með leikheimild í seinni glugganum. Þetta var vesen, mig minnir að lögfræðingurinn hafi verið í gegnum KSÍ og þetta tókst vel."
„Ég held að ég hafi látið af hendi mínar launagreiðslur og í staðinn fékk ég leikheimild. Það urðu einhverjar sættir á þessu," sagði Jobbi.
Sjá einnig:
Jobbi: Hefði kannski átt að hugsa um rassgatið á sjálfum mér
Athugasemdir
