Íslendingalið Venezia er komið í kjörstöðu í úrslitaeinvígi sínu við Cittadella um að komast upp í ítölsku úrvalsdeildina, Serie A.
Það var leikið á heimavelli Cittadella í kvöld þar sem Venezia tókst að knýja fram 0-1 sigur.
Þetta var hörkuleikur þar sem Cittadella var aðeins meira með boltann, en liðin áttu svipað margar marktilraunir. Frábær sigur fyrir Venezia sem leikur heimaleik sinn í þessu einvígi á fimmtudag.
Bjarki Steinn Bjarkason byrjaði á bekknum hjá Venezia en kom inn af bekknum þegar 83 mínútur voru liðnar af leiknum. Óttar Magnús Karlsson var ekki í hóp hjá Venezia í kvöld en Jakob Franz Pálsson er einnig á mála hjá félaginu.
Athugasemdir