Kane átti stórkostlegt tímabil þar sem hann skoraði 23 mörk í deildinni - flest af öllum. Hann átti einnig flestar stoðsendingar í deildinni, 14 talsins.

Hann var langbesti leikmaður Tottenham á tímabilinu en það er spurning hvað gerist í sumar.

Kane er búinn að óska eftir því að fá að fara frá Spurs í sumar. Manchester United, Manchester City og Chelsea hafa öll sett sig í samband við umboðsmenn Kane og látið vita af áhuga á leikmanninum.

Kane er magnaður markaskorari og hann vill berjast um stærstu titlana áður en skórnir fara upp á hillu.

Tottenham endaði í sjöunda sæti á þessu tímabili og spilar í Sambandsdeild UEFA á næstu leiktíð.